ლონდონში მომხდარ ინციდენტთან დაკავშირებით ახალი დეტალები ვრცელდება. ერთ-ერთი თვითმხილველის, სალეჰ აბდულრაჰიმის მტკიცებით, ფურგონის მძღოლი თავდასხმისას ყვიროდა, რომ ყველა მუსლიმს დახოცავდა. ინციდენტი ლონდონის მეჩეთთან გვიან საღამოს მოხდა, როდესაც მლოცველები მეჩეთიდან გამოდიოდნენ. ფორგონი ფეხით მოსიარულეებში შეიჭრა, რის შედეგადაც ერთი ადამიანი დაიღუპა, 10 კი დაშავდა. მომხდარის გამო ბრიტანეთის პრემერ-მინისტრმა მთავრობის საგანგებო სხდომა მოიწვია.
