„სრულიად გაუგებარია პარლამენტის თავმჯდომარის დაჟინება, რომ გინდა თუ არა, პრეზიდენტთან პირდაპირ ეთერში უნდა იდებატოს”,- ამის შესახებ "დემოკრატიული მოძრაობა - ერთიანი საქართველოს" წევრმა გიორგი ახვლედიანმა განაცხადა.
მისივე თქმით, ვენეციის კომისიის ყველაზე მნიშვნელოვანი მოთხოვნაა, მხარეებმა კონსესუს მიაღწიონ.
„განცხადებები ვენეციაში ხელმძღვანელობის მხრიდან არა ერთი გაკეთდა და ვხედავთ, რომ ყველაზე მნიშვნელოვანი მოთხოვნა არის ის, რომ იყოს კონსესუსით მიღწეული ყველა გადაწყვეტილებაზე. ფართო და ყველას მონაწილეობით, როგორც იყო დაკონკრეტებული. საუბარია იმაზე, რომ ეს სამი პუნქტი ანუ ბლოკების გაუქმება, ბარიერის არ დაწევა და გადაუნაწილებელი მანდატები არის შემაფერხებელი, ერთი პარტიისთვის მოგონილი და ყველა პარტიისთვის ხელის შემშლელი,“ - განაცხადა ახვლედიანმა.
