ბრიტანეთის პრემიერ-მინისტრმა ლონდონის ხანძრის საჯაროდ გამოძიების განკარგულება გასცა. ტერეზა მეის თქმით, დაზარალებულებმა უნდა მიიღონ პასუხი კითხვაზე, თუ რატომ გავრცელდა ასე სწრაფად ხანძარი შენობაში. გრენფელ-თაუერს ხანძარი 14 ივნისის ღამეს გაუჩნდა და მაღალსართულიანი საცხოვრებელი კორპუსი მთლიანად გაანადგურა. ხანძარს, ბოლო მონაცემებით, 17 ადამიანი ემსხვერპლა, ათობით კი დაშავდა.
