სამთავრობო ცვლილება ნამდვილად არის დაგეგმილი, - ამის შესახებ საქართველოს ოკუპირებულ ტერიტორიებიდან იძულებით გადაადგილებულ პირთა განსახლებისა და ლტოლვილთა მინისტრმა სოზარ სუბარმა განაცხადა.
მისივე ინფორმაციით, სამთავრობო გუნდში მხოლოდ ერთი საკადრო ცვლილებაა დაგეგმილი, რომელიც მერობის კანდიდატს შეეხება.
„მე შემიძლია გითხრათ, რომ სამთავრობო ცვლილება ნამდვილად არის დაგეგმილი, რადგან გადაწყვეტილია, რომ ერთ-ერთი მინისტრი თბილისის მერობის კანდიდატი იქნება. სხვა არანარი სამთავრობო ცვლილება დაგეგმილი არ არის“, - განაცხადა სოზარ სუბარმა.
დედაქალაქის მერობის კანდიდატის დასახელებას მმართველი გუნდი ახლო მომავალში გეგმავს.