საქართველოში ერთობ პოპულარული თურქული სერიალის Kara Sevda-ს (შენი ზოდიაქოს ფერი) გადაღებები ივლისში დასრულდება.
როგორც ირკვევა Kara Sevda-ს უკანასკნელი, 74-ე სერიის პრეზენტაცია თურქეთის ტელევიზიის ეთერში 21 ივნისს შედგება.
74-ე ფინალური სერიით მაყურებელი ქემალსა და ნიჰანს დაემშვიდობება.
შეძლებს კი ბურაკ ოზჩივიტის გმირი - ქემალი ნესლიხან ათაგიულის პერსონაჟს ნიჰანს პირობა შეუსრულოს და მისთვის სამუდამო სიყვარული უზრუნველყოს? რა დაემართება ემირს ( კაან ორგანჯიოგლუ) ? ვისთან დარჩება ზეინები? პასუხები ამ კითხვებზე მალე გაეცემა.
სერიალის სიუჟეტის მიხედვით, ქემალს პირველი სიყვარული მოულოდნელად ეწვია. ის პირველად საყვარელ გოგონას ტრანსპორტში შეხვდა, შემდეგ - გამოფენაზე და ბოლოს, მან ის დახრჩობას გადაარჩინა. გოგონა, რომელსაც ნიჰანი ჰქვია, მდიდარი ბიზნესმენის ქალიშვილია. ქემალი - ღარიბი დალაქის. ისინი რადიკალურად განსხვავებულ სამყაროებს ეკუთვნიან. აქვს კი რაიმე მომავალი მათ სიყვარულს, როცა ირგვლივ საშინელი ინტრიგები იხლართება? თუმცა ორივე ცდილობს საკუთარი სიყვარულის გადასარჩენად იბრძოლოს.
