კახეთის რეგიონში სტიქია მძვინვარებს. გურჯაანის რაიონში დაისეტყვა სოფელი ვაზისუბანი, თელავის რაიონში _ სოფლები: კისისხევი და შალაური. წინასწარი ინფორმაციით, განადგურებულია მოსავლის 30-40%. ადიდებულია ხევები, საიდანაც წყალი სასოფლო-სამეურნეო და საკარმიდამო ნაკვეთებში მიედინება. ამის შესახებ "ჯი-ეიჩ-ენს" "კახეთის საინფორმაციო ცენტრიდან" აცნობეს.
მათი ინფორმაციით, თელავის რაიონის სოფლებში დაიტბორა ეზოები და საცხოვრებელი სახლების პირველი სართულები. დატბორილია საავტომობილო გზებიც.
ძლიერი ქარისა და წვიმის შედეგად თელავის, გურჯაანის, ახმეტის, ყვარლის რაიონებში ელექტროენერგია ავარიულად გაითიშა.
