საქართველოს საგარეო საქმეთა სამინისტროში კვიპროსის რესპუბლიკის ახლადდანიშნულმა ელჩმა საქართველოში (რეზიდენციით ქ. ათენში) იოზიფ იოზიფმა რწმუნებათა სიგელის ასლები გადასცა საქართველოს საგარეო საქმეთა მინისტრის მოადგილეს დავით ჯალაღანიას.
რწმუნებათა სიგელების ასლების გადაცემის საზეიმო ცერემონიალის შემდგომ გამართულ შეხვედრაზე, მხარეებმა მიმოიხილეს საქართველოსა და კვიპროსის რესპუბლიკას შორის არსებული ორმხრივი და მრავალმხრივი თანამშრომლობის ფართო სპექტრი და სამომავლო პერსპექტივები.
მხარეებმა ასევე განიხილეს საერთაშორისო ორგანიზაციების ფარგლებში თანამშრომლობის საკითხები და ხაზი გაუსვეს ორ ქვეყანას შორის სხვადასხვა სფეროში თანამშრომლობის გააქტიურებისა და მრავალმხრივ ფორმატში ურთიერთქმედების გაღრმავების აუცილებლობას.
