ევროვიზიის კონკურსის რუსმა მონაწილემ უპრეცედენტო შეთავაზება მიიღო. კონკურსის საორგანიზაციო კომიტეტმა იულია სამოილოვას დისტანციურად სიმღერა შესთავაზა. იმ შემთხვევაში, თუ რუსული მხარე შეთავაზებას მიიღებს, სამოილოვა ევროვიზიის ისტორიაში პირველი კონკურსანტი იქნება, ვინც სცენაზე არ იმღერებს. რუს მომღერალს უკრაინამ ქვეყნის ტერიტორიაზე 3 წლით აუკრძალა შესვლა. სამოილოვა ანექსირებულ ყირიმში კონცერტებს ატარებდა და ყირიმს რუსეთის შემადგენელ ნაწილად მოიხსენიებდა. ევროვიზიის კონკურსი კიევში აპრილში გაიმართება.
