ბრიტანეთის პრემიერ-მინისტრი ლონდონის ტერაქტის ახალ დეტალებზე საუბრობს. ტერეზა მეი სიტყვით პარლამენტში გამოვიდა. მისი თქმით, თავდამსხმელი ბრიტანეთის მკვიდრია და მისი ვინაობა სპეცსამსახურებისთის ცნობილი იყო. პრემიერმა ბირნინგემში ეჭვმიტანილთა დაკავების ფაქტიც დაადასტურა. მისი განცხადებით, სამართალდამცველებმა სპეცოპერაციისას 8 პირი აიყვანეს. სხდომის დაწყებამდე დეპუტატებმა ტერაქტის შედეგად დაღუპულებს პატივი წუთიერი დუმილით მიაგეს. სკოტლანდ იარდის თანამშრომლებთან ერთად ტერაქტის მსხვერპლთა ხსოვნას პატივი ლონდონის მერმაც მიაგო. ტერაქტის ადგილზე ამ დრომდე მუშაობენ კრიმინალისტები. უსაფრთხოების ზომები კი ლონდონში კვლავ გამკაცრებული რჩება. მასშტაბური თავდასხმა ვენსტმისტერის რაიონში გუშინ განხორციელდა. ტერორისტმა მანქანით ჯერ რამდენიმე ადამიანი გაიტანა, შემდეგ კი პარლამენტის შენობასთან პოლიციელს დაესხა თავს. სამართალდამცავებმა ის ადგილზე მოკლეს. ტერაქტს 3 ადამიანი ემსხვერპლა, 40-მდე კი დაშავდა.
