საბერძნეთის პოლიციამ ტერაქტების სერია აღკვეთა. სამართალდამცველებმა საფოსტო ამანათების ცენტრში 8 პაკეტი აღმოაჩინეს, რომელშიც ასაფეთქებელი მოწყობილობები იყო ჩამონტაჟებული. პაკეტები ევროპელი პოლიტიკოსებისთვის იყო განკუთვნილი. 16 მარტს ერთ-ერთი პაკეტი პარიზში საერთაშორისო სავალუტო ფონდის ოფისში აფეთქდა, რის შედეგადაც ერთი ადამიანი დაშავდა. მომხდარზე პასუხისმგებლობა ბერძნულმა ანარქისტულმა დაჯგუფებამ აიღო.
