ევროკავშირში თურქეთის მიღების საკითხით ევროპა სპეკულირებას ვეღარ მოახდენს. ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა. „ისინი ვერარაფრით დაგვემუქრებიან, ვერც ევროკავშირის საზღვრის ჩაკეთვით და ვერც რეადმისიით. ეს პერიოდი უკვე წარსულს ჩაბარდა. 16 აპრილიდან საპრეზიდენტო მმართველობაზე გადავალთ და სრულებით ახალი თურქეთი დაიბადება. წლების განმავლობაში ევროკავშირი საკუთარ პოლიტიკას გვკარნახობდა. ამას ბოლო მოეღება. 16 აპრილის შემდეგ ჩვენ მოლაპარაკების მაგიდასთან დავსხდებით. თურქეთი ისე იმოქმედებს, როგორც საჭიროდ ჩათვლის,“-აღნიშნა ერდოღანმა.
