"ქრისტიან-დემოკრატიული მოძრაობისათვის" მათი წინასაარჩევნო დაპირება - "დასაქმება და დაბალი ტარიფები" თბილისის საკრებულოშიც მნიშვნელოვანი იქნება. შესაბამისი განცხადება საკრებულოს წევრმა და "ქრისტიან-დემოკრატების" ერთ-ერთმა ლიდერმა ინგა გრიგო;ლიამ დღეს, საკრებულოს შენობაში, ჟურნალისტებთან საუბარში გააკეთა.
ყოფილი ჟურნალისტის განცხადებით, მისი პარტიის უმთავრესი მიზანი ხელისუფლების შეცვლაა:
"მთავარი თემაა, რომ "ნაციონალური მოძრაობა" გავუშვათ ხელისუფლებიდან. ეს გადახედვას არ ექვემდებარება. იგივე, ძლაში რჩება დაბალი ტარიფები და სოციალური საკითხები. ჩვენ ყველაფერს გავაკეთებთ იმისათვის, რომ გავაკონტროლოთ ყველა ის გადაწყვეტილება, რომელიც ამ მიმართულებით იქნება გადადგმული. ხელისუფლებამ გააკეთა განცხადება, რომ ისინი ოპოზიციასთან თანამშრომლობისთვის მზად არიან. თუ ეს ასეა, მაშინ დღეიდანვე დავიწყოთ ზრუნვა კომუნალური გადასახადების ფასების დაწევისათვის, ხოლო თუ ისინი ამაზე უარს იტყვიან, მაშინ გამოდის, რომ მათი შეთავაზება უბრალოდ არჩევნების შემდგ ნათქვამი სიტყვები იყო", - განაცხადა გრიგოლიამ.
