მთავრობამ მიწისძვრის შედეგების სალიკვიდაციო ღონისძიებათა განხორციელების მიზნით ბიუჯეტიდან 2 მლნ. 200 ათასი ლარი გამოყო.
მთავრობის განკარგულებით, 2009 წლის სექტემბერში ონის, ამბროლაურის, საჩხერის, ტყიბულისა და ჭიათურის მუნიციპალიტეტებში მიწისძვრის შედეგად დაზიანებული მუდმივად მცხოვრები ოჯახების საცხოვრებელი სახლებისა და მრავალსართულიანი საცხოვრებელი ბინების აღდგენა-რეაბილიტაციის, საპროექტო-საძიებო, ექსპერტიზისა და საზედამხედველო სამუშაოების განსახორციელებლად "რეგიონებში განსახორციელებელი პროექტების ფონდიდან" ორი მილიონ ორასი ათასი ლარი გამოიყოფა.
განკრაგულების მიხედვით, თანხა "რეგიონებში განსახორციელებელი პროექტების ფონდიდან" პირდაპირ "მუნიციპალური განვითარების ფონდის" ანგარიშზე გადაირიცხება, რომელიც შემდგომ აღდგენით სამუშაოებს ჩაატარებს.
