"ამ დროისთვის სოფლების ნაწილს ელექტროენერგიის მიწოდება უკვე აღუდგა. წვიმების შედეგად ადიდიებულმა მდინარეებმა ხიდები და გზების საკმაოდ დიდი მონაკვეთი წაიღო, რის გამოც რამდენიმე სოფელი გარე სამყაროს მოწყდა. თუმცა, ამ დროისთვის მოსახლეობასთან დაკავშირება მოვახერხეთ და შემიძლია გითხრათ, რომ სტიქიის შედეგად საბედნიეროდ არავინ დაშავებულა", - აღნიშნა ჭელიძემ.

მისივე ინფორმაციით, ადიდებულმა მდინარეებმა სასოფლო-სამეურნეო სავარგულები წაიღო, მაგრამ ძირითადად მაინც საგზაო კომუნიკაციების დაზიანება მოხდა.

"მდინარეებში წყლის დონის დაკლების შემდეგ უკვე ზარალის დათვლას დავიწყებთ, რომელიც საკმაოდ დიდი იქნება", - განაცხადა მესტიის რაიონის გამგებელმა.

შეგახსენებთ, რომ ორდღიანი გადაუღებელი წვიმების შედეგად სვანეთში ადიდებულმა მდინარეებმა ხიდები და გზები წაიღო. წყალდიდობის შედეგად 12 სოფლის მოსახლება ერთმანეთთან დაკავშირებას ვერ ახერხებს. ასევე სოფლებს ნაწილს ელექტრო ენერგია არ მიეწოდებათ. სტიქიის ადგილზე ადგილობრივი ხელისუფლების წარმომადგენლები და სამაშველო სამსახურები არიან მობილიზებულები, თუმცა მდინარეებში წყლის დონის დაკლებამდე სამაშველო ღონისძიების დაწყება შეუძლებელია.