ზესტაფონის სასწრაფო-სამედიცინო სამსახურის ექიმს 32 წლის პაციენტის გაიოზ გაბრიჩიძის სიკვდილში ადანაშაულებენ.
როგორც გარდაცვლილის ოჯახის წევრები აცხადებენ, სასწრაფოს ექიმმა ირინა ჭელიძე პაციენტის გასინჯვის შემდეგ მისი საავადმყოფოში გადაყვანა საჭიროდ არ ჩათვალა, რის შედეგადაც გაიოზ გაბრიჩიძე გარდაიცვალა.
აღნიშნულთან დაკავშირებით ზესტაფონის პროკურატურაში სისხლის სამართლის საქმე აღძრულია.
გარდაცვლილის ახლობლები კი ექიმის ირინა ჭელიძის უფლება მოსილების შეწყვეტას მოითხოვენ, აღნიშნულთან დაკავშირებით მათ სამედიცინო საქმიანობის სახელმწიფო რეგულირების სააგენტოს უკვე მიმართეს.
