ფრანსუა ფიიონის საარჩევნო შტაბის უფროსი გადადგა. პატრიკ სტეფანინის თქმით, ფინანსური სკანდალის გამო ფიიონს არჩევნებში გამარჯვების შანსი პრაქტიკულად აღარ აქვს. „მე მას უკვე ვურჩიე, რომ პრეზიდენტობისთვის ბრძოლას გამოეთიშოს.“-აღნიშნა ფიიონის ყოფილმა თანაგუნდელმა. რესპუბლიკელთა საპრეზიდენტო კანდიდატს პრობლემები მას შემდეგ შეექმნა, რაც გაირკვა, რომ პარლამენტში ცოლი ჰყავდა გაფორმებული და სოლიდურ ანაზღაურებას უხდიდა. ცოლ-ქმარი ფიიონები დაკითხვაზე 15 მარტს არიან დაბარებული.
