ქალაქ კალეს მერმა ადგილობრივ მცხოვრებლებს მიგრანტებისთვის საკვების მიწოდება აუკრძალა. ამის შესახებ ფრანგული გამოცემა ლე მონდი იტყობინება. როგორც ნატალი ბუშარმა განმარტა, ხელისუფლება ქალაქში ახალი ბანაკების გაშენებას და ანტისანიტარიას არ დაუშვებს. ჯუნგლის სახელით ცნობილი ლტოლვილთა ბანაკის დემონტაჟი კალეში ნოემბერში განხორციელდა, თუმცა ბანაკის ტერიტორიაზე რამდენიმე ასეული მიგრანტი მაინც რჩება.
