ბათუმში საკონსტიტუციო სასამართლოს ახალი წევრი ზაზა თავაძე დაინიშნა, რომელიც მოვალეობის შესრულებას დღეიდან შეუდგა. საკონსტიტუციო სასამართლოს ახალი წევრი პრეზიდენტმა მიხეილ სააკაშვილმა წარადგინა.
"საქართველოს საკონსტიტუციო სასამართლო არის ძალიან მაღალი დონის იურისტებით დაკომპლექტებული, ორგანო, ჩვენი სახელმწიფოსი. ადრე თუ მხოლოდ პოლიტიკური პარტიების ლიდერები მოდიოდნენ, როცა დილით საქმე არ ჰქონდათ და ტელევიზორში საკონსტიტუციო სასამართლოს გინებით სურდათ გამოჩენა, ახლა აქ მოდის ის ხალხი, ვისაც რეალურად სჭირდება უფლებების დაცვა და მუდმივად სჭირდებათ განცდა და დამტკიცება იმისა, რომ საქართველოში არსებობს სამართალი. მინდა მივულოცო ეს ძალიან დიდი პატივი ზაზა თავაძეს. ასაკობრივად ის, კლასიკურ გაგებით, არის ძალიან ახალგაზრდა და ეს არ არის შემთხვევით, რომ ასეთი ხალხი მოდის საკონსტიტუციო სასამართლოში", - განაცხადა სააკაშვილმა.