ბრიტანულმა კომპანია BP-მა მექსიკის ყურეში ნავთობის დაღვრისგან მიყენებული ზარალი 1,6 მლრდ დოლარად შეაფასა.
აღნიშნული თანხა მოიცავს კატასტროფის შედეგების ლიკვიდაციის ღირებულებას, ჭაბურღილის ჰერმატიზაციას, მოსაზღვრე ქვეყნების გრანტებსა და სარჩელების გადასახადს. კომპანიის ხარჯებში ასევე შედის ფლორიდის, ალაბამას, მისისიპის და ლუიზიანას შტატებისთვის გადახდილი თანხა.
კომპანიამ უკვე გადაიხადა დაახლოებით 62 მლნ დოლარი 51 ათას სარჩელისთვის, რომელიც მის წინააღმდეგ მექსიკის ყურეში ეკოლოგიური კატასტროფის შექმნის გამო შეიტანეს.
BP აცხადებს, რომ ნავთობის ჩაღვრის გამო მიყენებულ ფინანსურ ზარალს ყველას აუნაზღაურებს.
მექსიკის ყურის ინციდენტი აშშ-ში უმსხვილესი ავარიაა, რომლის მასშტაბებმა 1989 წელს ალიასკის მისადგომებთან ტანკერიდან დაღვრილი ნავთობის შედეგებს ბევრად გადააჭარბა. მაშინ გემიდან დაახლოებით 260 ათასი ბარელი ნავთობი ჩაიღვარა.
