,,დარწმუნებული ვარ, რომ ძალიან მალე ამაზე საზოგადოებას მეტი ინფორმაცია ექნება", - განაცახადა პარლამენტის პირველი ვიცე - სპიკერმა თამარ ჩუგოშვილმა უზენაესი სასამართლოს მოსამართლეების საქმეზე. მისივე თქმით, მნიშვნელოვანია პროკურატურამ მაქსიმალურად სწრაფად დაადგინოს ვისგან მომდინარეობდა ზეწოლა.
"რამდენადაც ჩემთვის არის ცნობილი მოსამართლეების განცხადება არის შესული პროკურატურაში. შესაბამისად, საგამოძიებო უწყებამ მნიშვნელოვანია მაქსიმალურად სწრაფად დაადგინოს ვისგან მომდინარეობდა ეს ზეწოლა. ეს ჩვენთვისაც ძალიან მნიშვნელოვანია როდესაც ასეთი მაღალრეიტინგული საქმის მოსამართლეებზეა საუბარი. დარწმუნებული ვარ, რომ ძალიან მალე ამაზე საზოგადოებას მეტი ინფორმაცია ექნება", - განაცხადა ჩუგოშვილმა.
უზენაესი სასამართლოს მოსამართლეებმა, ბესარიონ ალავიძემ და პაატა ქათამაძემ, რომლებიც ”რუსთავი 2”-ის საქმეს განიხილავენ, მათ საქმიანობაში უხეშად ჩარევის შესაძლო ფაქტზე გამოძიების დაწყების მოთხოვნით პროკურატურას მიმართეს. როგორც პროკურატურაში აცხადებენ, აღნიშნულ ფაქტზე გამოძიება 14 იანვარს დაიწყო.
