„ჩვენი სულისკვეთება მეტ-ნაკლებად უფრო ახლოსაა პრეზიდენტის ამ შენიშვნებთან, ვიდრე უმრავლესობის მიერ წარმოდგენილ პროექტთან”, - განაცხადა „პატრიოტთა ალიანსის“ ლიდერმა, ირმა ინაშვილმა საერთო სასამართლოების შესახებ კანონში ცვლილებებთან დაკავშირებით. მისივე თქმით, „პატრიოტთა ალიანსი“ გაეცნო პრეზიდენტის ექვსპუნქტიან შენიშვნებს და გააანალიზა.
„ჩვენი სულისკვეთება მეტ-ნაკლებად უფრო ახლოსაა პრეზიდენტის ამ შენიშვნებთან, ვიდრე უმრავლესობის მიერ წარმოდგენილ პროექტთან. თუმცა, ჩვენ, რა თქმა უნდა, გვაქვს ჩვენი კონცეფცია, თუნდაც მოსამართლეების არჩევის წესთან დაკავშირებით და სწორედ ამ მოდელს გავუზიარებთ დღეს პრეზიდენტს. ჩვენი მოდელი არის ასეთი. ეს არის სამსაფეხურიანი ეტაპი, როდესაც მოსამართლეს ირჩევენ მოსამართლეები, შემდეგ პარლამენტში ხდება განხილვა და პაროლამენტი ამტკიცებს კანდიდატურებს, ხოლო შემდეგ მიდის ეს პრეზიდენტთან“, - განაცხადა ირმა ინაშვილმა.
