ფრაქცია „ქართული ოცნების“ თავმჯდომარე მამუკა მდინარაძე აცხადებს, რომ სასამართლო რეფორმის საკითხის განხილვაზე, პრეზიდენტთან დაგეგმილ შეხვედრაზე უმრავლესობის წარმომადგენლები მისვლას არ აპირებენ.
„ჩვენ, რა თქმა უნდა, ამ შეხვედრაზე მისვლას შეგნებულად არ ვაპირებთ. გამომდინარე იქიდან, რომ კონსულტაციების შესაძლებლობა იყო, ვიდრე ამ გადაწყვეტილებას მიიღებდნენ. პრეზიდენტი ფრაქციის თავმჯდომარეებს, ვიცე-სპიკერებს იბარებს, ეს პრაქტიკა წარსულს ჩაბარდა. სამართლებრივ სივრცეში ასეთი ფორმატი არ არსებობს“, -განაცხადა მდინარაძემ.
პრეზიდენტი გიორგი მარგველაშვილი „საერთო სასამართლოების შესახებ“ კანონში განხორციელებულ ცვლილებებთან დაკავშირებით, დღეს, საპარლამენტო ფრაქციების ლიდერებსა და ვიცე-სპიკერებს შეხვდება. გიორგი მარგველაშვილი დღესვე, არასამთავრობო ორგანიზაციების წარმომადგენლებთან შეხვედრასაც გეგმავს.
