ადგილი ჰქონდა უპრეცედენტო რეფორმისთვის ჩრდილის მიყენების მცდელობას, - ასე აფასებს პარლამენტის თავმჯდომარე ირაკლი კობახიძე პრეზიდენტის მიერ ვეტოს დადებას “საერთო სასამართლოების შესახებ“ კანონში განხორციელებულ ცვლილებებსა და მასთან დაკავშირებულ სხვა პროექტებზე.
“ვეტოს დადებას უარყოფითად შევაფასებდი - ეს შემიძლია ახლავე ვთქვა. რეალურად, ეს უპრეცედენტო რეფორმა იყო, რომელიც საქართველოს პარლამენტის მიერ გატარდა და ადგილი ჰქონდა გარკვეულ მცდელობას ამ უპრეცედენტო რეფორმისთვის ჩრდილის მიყენების, რაც ნამდვილად დასანანია. დანარჩენი დეტალებია. ჩვენ მსჯელობა გვექნება და ამ კანონპროექტს მომდევნო სესიაზე მივუბრუნდებით“, - განაცხადა ირაკლი კობახიძემ.
პარლამენტის თავმჯდომარეს დღეს არ დაუკონკრეტებია, გაიზიარებს თუ არა მმართველი გუნდი პრეზიდენტის მიერ პარლამეტისთვის წარდგენილ შენიშვნებს.
