ტრამპმა სირიელი ლტოლვილების მიღება გაურკვეველი ვადით შეაჩერა. მისივე განკარგულებით, 3 თვით შეჩერდა სხვა ქვეყნებიდან ლტოლვილების მიღების პროგრამაც. თეთრი სახლის ლიდერის თქმით, მიგრანტთა ექსტრემალური შერჩევის პროგრამა მიზნად ისახავს რადიკალური მუსლიმი ტერორისტებისგან ქვეყნის დაცვას. ამავე განკარგულებით, შეერთებული შტატები 2017 ფინანსურ წელს მსოფლიოს სხვადასხვა ქვეყნიდან მხოლოდ 50 ათასამდე ლტოლვილს მიიღებს. პრიორიტეტი რელიგიური ნიშნით დევნილ პირებს მიეცემათ.
