საკონსტიტუციო კომისია დღეს მაჟორიტარული სისტემის გაუქმების საკითხზე იმსჯელებს. ოპოზიცია ამ მოდელის გაუქმებას და რეგიონულ - პროპორციულ სისტემაზე გადასვლას ითხოვს.
პარლამენტის საპროცედურო საკითხთა და წესების კომიტეტის თავმჯდომარის გიორგი კახიანის თქმით, კი საარჩევნო სისტემა უნდა უზრუნველყოფდეს პარტიულ პლურალიზმს.
“ჩვენ მოვისმენთ არგუმენტებს, რომლებსაც კომისიის წევრები გამოთქვამენ, მაგრამ ზოგადად ჩემი პირადი დამოკიდებულება იმის მიმართ თუ როგორი უნდა იყოს საარჩევნო სისტემა, არის შემდეგნაირი, ეს უნდა უზრუნველყოფდეს პარტიულ პლურალიზმს, შემდეგ საკანონმდებლო და აღმასრულებელი ხელისუფლების გამართულ ფუნქციონირებას, ამასთანავე ის უნდა იყოს თანხვედრაში, არსებულ პარტიულ სისტემასთან,“ - განაცხადა კახიანმა.
