ამერიკის პრეზიდენტის განცხადებები დღითიდღე უფრო შემაშფოთებელი ხდება. ამის შესახებ საფრანგეთის პრემიერ-მინისტრმა ბერნარ კაზნევმა განაცხადა.
„ტრამპი საგანგაშო განცხადებებს წინასაარჩევნო კამპანიის დროსაც აკეთებდა. ახლა კი შემაშფოთებელი განცხადებების რაოდენობა გააორმაგა. თუ შეერთებული შტატები საკუთარ ნაჭუჭში ჩაკეტვას და მხოლოდ საკუთარი ინტერესების დაცვას აპირებს, ჩვენც ადეკვატურად უნდა ვიმოქმედოთ და აღარ უნდა ვიყოთ გულუბრყვილოები. ევროპამ დამოუკიდებლად უნდა შეძლოს საკუთარი საზღვრებისა და უსაფრთხოების დაცვა,“-აღნიშნა კაზნევმა.
