ბრიტანეთის მთავრობამ ევროკავშირიდან გასვლის პროცესის დაწყების შესახებ კანონპროექტი გამოაქვეყნა. დოკუმენტი პრემიერ მეის ლისაბონის შეთანხმების 50-ე მუხლის ამოქმედების უფლებამოსილებას აძლევს. კანონპროექტი განსახილველად პარლამენტს გადაეცა. დებატები საკანონმდებლო ორგანოში მომავალი კვირიდან დაიწყება. ლეიბორისტთა ლიდერი ჯერემი კორბინი კოლეგებს დოკუმენტის მხარდაჭერისკენ მოუწოდებს. კანონპროექტის შემუშავება ტერეზა მეის მთავრობას უმაღლესი სასამართლოს გადაწყვეტილებამ აიძულა, რომლის მიხედვითაც მინისტრთა კაბინეტს პარლამენტთან შეუთანხმებლად ბრექსიტის პროცედურის დაწყება აუკრძალა.
