,,ევროპული საქართველოს“ თავმჯდომარე სერგო რატიანი გია ცერცვაძის წინასწარ პატიმრობაში დატოვებას ეხმიანება და აცხადებს, რომ სახელმწიფომ დანაშაული ჩაიდინა და მისმა ქმედებამ ქართველი ჯარისკაცი პატიმრობაში დაუცველი დატოვა.
,,პარადოქსული ვითარებაა, როდესაც ოპოზიცია, კერძოდ ჩვენ, ყველაფერს ვაკეთებთ ჩვენი ჯარისკაცის გასათავისუფლებლად, მეორეს მხრივ კი, სახელმწიფო არ ზრუნავს ამისთვის და არ უფრთხილდება იმას, რომ საკუთარი ჯარისკაცი მტერ ქვეყანას არ გადაეცეს. სახელმწიფომ დანაშაული ჩაიდინა და მისმა ქმედებამ ჩვენი ჯარისკაცი პატიმრობაში დაუცველი დატოვა. ჩვენ ყველაფერს გავაკეთებთ იმისთვის, რომ გია ცერცვაძე გათავისუფლდეს, მაგრამ სახელმწიფოს ჩარევა არის უმნიშვნელოვანესი. პირდაპირი კავშირი უნდა იყოს უკრაინის მაღალი თანამდებობის პირებთან და პროკურატურასთან. უკრაინის ხელისუფლებას უნდა ჰქონდეს ძალიან მკაფიო გზავნილი, რომ სახელმწიფო ზრუნავს და მოითხოვს ამ ადამიანის არგადაცემას და გათავისუფლებას, რაც არ არსებობს. როდესაც ჩვენ ხელი მოვაწერეთ თავდებობის წერილს, იგივე არ გააკეთეს უმრავლესობის წარმომადგენლებმა. ეს ნიშნავს, რომ გია ცერცვაძის პატიმრობა მათთვის პირველი რიგის საკითხი არ არის”, - აცხადებს სერგო რატიანი.
