მოსკოვი ტრამპს ყველა იმ მოსალოდნელი შედეგის გათვალისწინებას ურჩევს, რომელიც სირიაში უსაფრთხოების ზონის შექმნას შეიძლება მოჰყვეს. საგანგებო განცხადება კრემლის პრეს-მდივანმა დიმიტრი პესკოვმა გააკეთა. მანამდე თეთრი სახლის ლიდერმა ღიად განაცხადა, რომ ლტოლვილთა დასაცავად სირიაში უსაფრთხოების ზონების შექმნას აპირებს. შესაბამის განკარგულებას პენტაგონსა და სახელმწიფო დეპარტამენტს ტრამპი უახლოეს ხანებში მისცემს.
