ტერორიზმში ეჭვმიტანილების დაკითხვისას წამების მეთოდების გამოყენებას დონალდ ტრამპი დასაშვებად მიიჩნევს. ამის შესახებ მან ტელეკომპანია ეი-ბი-სი-სთვის მიცემულ ინტერვიუში განაცხადა. ამერიკის პრეზიდენტის თქმით, ამ თემაზე მან კონსულტაციები დაზვერვის სამსახურის მაღალჩინოსნებთან გაიარა, რომლებმაც დაარწმუნეს, რომ წამების მეთოდები ეფექტურად მუშაობს. „როდესაც ტერორისტები ადამიანებს თავებს აჭრიან და შუა საუკუნეების მეთოდებს იყენებენ, ვერ გამიგია, რატომ არ უნდა გამოიყენებოდეს მათ წინააღმდეგ თუნდაც წყლით წამების მეთოდი,“-აღნიშნა ტრამპმა.
