თეთრი სახლის ახალი ადმინისტრაცია ვიზების გაცემას შეაჩერებს იმ შვიდი ქვეყნის მოქალაქეებისთვის, სადაც მოსახლეობის უმრავლესობა მუსლიმანია. ამის შესახებ სააგენტო როიტერი იტყობინება. ამავე ინფორმაციით, შეზღუდვის ვადად ამ ეტაპზე ერთი თვე განისაზღვრა. უკვე მომზადებულია ტრამპის განკარგულების პროექტიც, რომლის მიხედვითაც ვიზების გაცემა სირიის, ერაყის, ირანის, ლიბიის, სომალის, სუდანისა და იემენის მოქალაქეებზე აიკრძალება.
