ოსკარის ნომინანტთა სია უკვე ცნობილია. კრიტიკოსთა მოლოდინი გამართლდა. „ოქროს გლობუსის“ტრიუმფატორი ფილმი „ლა-ლა ლენდი“ 14 ნომინაციაზეა წარდგენილი. ამერიკის კინოაკადემიის მთავარი ჯილდოს მოპოვებას 8 ნომინაციაში შეეცდება „მთვარის შუქი.“ წლის საუკეთესო რეჟისორის ტიტულისთვის მელ გიბსონი, დემიენ ჩაზელი, ბარი ჯენკინსი, ქენეს ლონერგანი და დენის ვილენიუვი იბრძოლებენ. ქალის როლის საუკეთესოდ შემსრულებელთა შორის მოხვდნენ მერილ სტრიპი და ნატალი პორტმანი, მამაკაცის როლის საუკეთესო შემსრულებლის ნომინაციაზე კი კესი აფლეკი, ენდრიუ გარფილდი, რაიან გოსლინგი, ვიგო მორტენსენი და დენზელ ვაშინგტონი არიან წარდგენილნი.
