რუსებმა დამასკოს კონსტიტუცია დაუწერეს. ამის შესახებ რუსეთის პრეზიდენტის სპეციალურმა წარმომადგენელმა სირიის საკითხებში ალექსანდრ ლავრენტიევმა განაცხადა. მისივე თქმით, რუსულმა დელეგაციამ ასტანაში სირიის ოპოზიციის წარმომადგენლებს კონსტიტუციის პროექტი გადასცა.
"ამ ეტაპზე დოკუმენტი შეიარაღებულ ოპოზიციას აქვს. ველოდებით მათ რეაქციას, რაც ჩვენთვის ძალიან მნიშვნელოვანია. ეს იმის შესაძლებლობას მოგვცემს, რომ სამშვიდობო პროცესს შემდგომშიც დავეხმაროთ"-აღნიშნა ლავრენტიევმა.
დღესისათვის სირიაში 2012 წელს მიღებული კონსტიტუცია მოქმედებს.
