ამერიკის თავდაცვის მდივანი ჯეიმს მეტისი ნატოს გენერალურ მდივანს ესაუბრა. ამის შესახებ პენტაგონის ოფიციალურმა წარმომადგენელმა ჯეფ დევისმა განაცხადა. მისივე თქმით, ჯეიმს მეტისმა იენს სტოლტენბერგი დაარწმუნა, რომ ვაშინგტონი ნატოს არსებობას უდიდეს მნიშვნელობას ანიჭებს და ალიანსთან მჭიდრო თანამშრომლობას გააგრძელებს. ამ თემაზე მეტისი ტელეფონით ბრიტანეთის თავდაცვის მინისტრს მაიკლ ფელონსაც ესაუბრა.
