საქართველოს პარლამენტის თავმჯდომარე დავით ბაქრაძე კვიპროსის პრეზიდენტს დიმიტრის ხრისტოფიასს შეხვდა. შეხვედრაზე მხარეებმა ორ ქვეყანას შორის თანამშრომლობის გაღრმავების საკითხები განიხილეს.
აღსანიშნავია, რომ კვიპროსში საქართველოს დამოუკიდებლობის დღე აღნიშნა, რომელსაც პრეზიდენტი დიმიტრის ხრისტოფიასიც დაესწრო.
ამასთან, საქართველოს პარლამენტის თავმჯდომარე კვიპროსის მართლმადიდებელი ეკლესიის არქიეპისკოპოსს ქრიზოსტომოს მეორეს უკვე შეხვდა, სადაც რუსეთის მიერ საქართველოს ოკუპირებულ ტერიტორიებზე შექმნილ ვითარებაზე ისაუბრეს.
"მიუღებელია ერთმორწმუნე ერის მხრიდან ისეთი აგრესია, როგორსაც რუსეთი საქართველოს მიმართ იჩენს", - აღნიშნა ქრიზოსტომო მეორემ.
დავით ბაქრაძემ კი არქიეპისკოპოსს მადლობა გადაუხადა კვიპროსში მცხოვრები მართლმადიდებელი ქართველების სახელით, რომელთაც საშუალება აქვთ წირვა-ლოცვა ქართულ ენაზე მოისმინონ.
შეგახსენებთ, რომ პარლამენტის თავმჯდომარე დავით ბაქრაძე კვიპროსის რესპუბლიკაში ევროპის საბჭოს ქვეყნების პარლამენტის თავმჯდომარეების კონფერენციას ესწრება.
