ჩვენ არ შეგვიძლია ვიზეიმოთ ეს შედეგი რაც გვაქვს, - განაცხადა დავოსში მყოფმა საქართველოს პრემიერ-მინისტრმა ,,გაზპრომთან” მიღწეული შეთანხმების შეფასებისას. გიორგი კვირიკაშვილის თქმით, საქართველომ გააკეთა მაქსიმუმი, რისი გაკეთებაც "არსებულ კონიუქტურაში იყო შესაძლებელი".
"ძალიან სამწუხაროა, რასაც ახლა ვუყურებთ ეს დღეებია, იმიტომ რომ ვფიქრობთ, რომ Gazprom-თან დაკავშირებით საქართველომ გააკეთა მაქსიმუმი, რისი გაკეთებაც არსებულ კონიუქტურაში და არსებულ პირობებში შეეძლო. ჩვენ არ შეგვიძლია ვიზეიმოთ ეს შედეგი რაც გვაქვს, იმიტომ რომ საზეიმო არაფერი არ არის და არ ვიცი ვინ წარმოაჩინა ეს ასე. კახი კალაძეს ნამდვილად არ წარმოუჩენია ასე და ამის თქმა არის წმინდა წყლის სპეკულაცია. იმ კონკრეტულ პირობებსა და მოცემულობაში, რომელშიც საქართველო იმყოფება საქართველომ დაიცვა ქვეყნის ინტერესი და მაიაღწია იმ შედეგს, რისი მიღწევაც იყო შესაძლებელი. არავიზე ნაკლებად არ შეგვტკივა გული ქვეყანაზე, მაგრამ სხვებისგან განსხვავებით, ჩვენ გაგვაჩნია პასუხისმგებლობა ჩვენი ქვეყნის წინაშე, როგორც ამ ქვეყნის ხელისუფლათ", - ამბობს კვირიკაშვილი.
