უნდა ვიდებატოთ იმაზე, ჰქონდეს თუ არა საქართველოს გაზი? - განაცხადა საპარლამენტო უმრავლესობის წევრმა გია ვოლსკიმ საპარლამენტო უმცირესობის მოთხოვნასთან დაკავშირებით, რომლის თანახმადაც, ,,გაზპრომთან“ გაფორმებული ხელშეკრულების ირგვლივ პარლამენტში დებატები უნდა გაიმართოს. მისი თქმით, კახა კალაძემ ყველა კითხვას უკვე გასცა პასუხი.
"რაზე უნდა ვიდებატოთ, იმაზე, უნდა ჰქონდეს თუ არა საქართველოს გაზი? გადახილ იქნეს თუ არა სატრანზიტო გადაზიდვისთვის გარკვეული თანხა? და გვაქვს თუ არა რესურსი იმის, რომ რუსეთს რასაც ვეტყვით, როგორც დავუქნევთ თითს, ისე იმოქმედებს? ეს არის სადებატო თემა და მე ვფიქრობ, რომ სწორედ სკანდალური ფონის და სცენარის აგორება არის მთავარი პოლიტიკური მიზანი. დანარჩენი ამის უკან არ არსებობს", - აღნიშნა გია ვოლსკიმ.
მისივე თქმით, "ევროპული საქართველო" ეჯიბრება თავის ყოფილ, თუ დღევანდელ კოლეგებს იმაში, თუ რომელი უფრო მწვავე, შეუვალი და შეუდრეკელი იქნება "ქართულ ოცნებასთან“ ბრძოლაში.
