პარლამენტის ყოფილი თავმჯდომარე დავით უსუფაშვილი პარლამენტს მოუწოდებს მაჟორიტარული სისტემის გაუქმების შესახებ კანონპროექტს კენჭი უყაროს.
ვენეციის კომისიის პრეზიდენტ ჯანი ბუკიკიოსთან შეხვედრის დასრულების შემდეგ, უსუფაშვილმა განაცხადა, რომ გასული წლის განმავლობაში, ყველა პოლიტიკურმა ძალამ და არასამთვრობო სექტორმა, რომლებიც პროცესში ჩართული იყვნენ, 2016 წლის საპარლამენტო არჩევნების შემდეგ პროპორციული საარჩევნო სისტემის შემოღებას მხარი დაუჭირეს და მას მხოლოდ კენჭისყრა სჭირდება.
„ერთადერთი მიზეზი, რის გამოც კენჭი საკითხს ვერ ვუყარეთ, პარლამენტის შიგნით არსებული პოლიტიკური დაძაბულობა იყო და ეს დაძაბულობა დღეს აღარ არის. „ქართული ოცნება“ პროპორციული სისტემის შემოღების ინიციატორთა შორის იყო და თუ ეს საკითხი პარლამენტში უახლოეს კვირებში იქნება დასმული და პარლამენტი დადებით გადაწყვეტილებს მიიღებს, ეს მნიშვნელოვანი გზავნილი იქნებოდა, რომ ხელისუფლება კონსესუსებისკენ განწყობილია“, - განაცხადა უსუფაშვილმა.
