ანალიტიკოსი თორნიკე შარაშენიძე აღნიშნავს, რომ ახალ პარტიას რეიტინგის ასაწევად მუშაობა მოუწევს. მისი თქმით, გამარჯვება 2020 წლის არჩევნებისთვის ევროპულ საქართველოს გაუჭირდება. ის ამბობს, რომ ახალ პარტიას სჭირდება ქარიზმატული ლიდერი, რომლადაც გიგი უგულავას ხედავენ.
„გიგი წარმოადგენს მათთვის ლიდერს. ასე რომ, ამ მხრივ, მათ ბევრი ექნებათ სამუშაო. ჩემი აზრით, მოსწონთ მათ ეს თუ არ მოსწონთ, მაინც იტრიალებს კითხვა ჰაერში, - რა მოხდა საბოლოოდ, გიგი როგორ გამოვიდა ციხიდან, საიდან გამოვიდა,“ - აცხადებს თორნიკე შარაშენიძე.
თორნიკე შარაშენიძის თქმით, მიხეილ სააკაშვილს კვლავაც აქვს რესურსი. მისი თქმით, არჩევნების შედეგად ჩანს, რომ მიხეილ სააკაშვილს ხმების მოტანა შეუძლია.
