დღეს, ნატოს გენერალურმა მდივანმა ანდრეს ფოგ რასმუსენმა ბრიუსელში ნატო-საქართველოს კომისიის სხდმომის დაწყების წინ, საქართველოს ავღანეთის მისიაში მონაწილეობაზე კომენტარი გააკეთა და საქართველოს თავდაცვის მინისტრს, ბაჩო ახალაიას ქართული საბრძოლო შენაერთების ISAF-ის პროგრმაში მონაწილეობის გამო მადლობაც გადაუხადა. რასმუსენის ეს განცხადება ნატოს ოფიციალურ ვებგვერდზეა განთავსებული.
მისი განცხადებით, ნატოს კარი საქართველოსთვის ღია რჩება. თუმცა რასმუსენისვე განმართებით, საქართველო მოუწევს რამდენიმე რეფორმის გატარერბა, რომლის შემდეგაც ქვეყანაში მეტი დემოკრატიული პროცესები უფრო ადვილად განვითარდება.
"ბატონო მინისტრო, მინდა მადლობა გადაგიხადოთ ავღანეთის მისიაში საქართველოს მიერ შეტანილი წვლილისათვის. ისეთი პატარა ქვეყნისთვის როგორიც საქართველოა, ეს ძალიან მრავლისმთქმელი ნაბიჯია. ასევე მინდა განვაცხადო, რომ ნატოს გადაწყვეტილება ძალაში რჩება და ალიანსის კარი საქართველოსთვის კვლავ ღიაა, თუმცა არსებობს რეფორმები, რომლის შესრულებაც საქართველოს მოუწევს. ალიანსი საქართველოს ამ რეფორმების შესრულებაში ყველანაირად მხარს დაუჭერს", - განაცხადა რასმუსენმა.
