ყოფილი პრეზიდენტის მიხეილ სააკაშვილის განცხადებით, წინა რამდენიმე გასვლა ნაციონალური მოძრაობიდან, დაკავშირებული იყო ფინანსებთან. ,,რუსთავი 2“ - თან ინტერვიუში მან ასევე განაცხადა, რომ იქ სადაც ოლიგარქია, კითხვის ნიშანი არის ბუნებრივი.
,,მე ზუსტად ვიცი, წინა რამდენიმე გასვლა ნაციონალური მოძრაობიდან, დაკავშირებული იყო ფინანსებთან, თვითონ ივანიშვილი მოყვა ამის შესახებ და არავის არ უარუყვია. თქვენ ხომ გახსოვთ, რა მოხდა გირჩთან დაკავშირებით, მეორე ჯგუფთან დაკავშირებით, იქ იყო გარჩევები და ერთი ამბები. ამიტომ, იქ სადაც ოლიგარქია, ეს კითხვის ნიშანი არის ბუნებრივი. ივანიშვილს საერთოდ არ შეუძლია ადამიანთან ურთიერთობა, თუ მას არ აქვს ფულადი ურთიერთობა, დღეს ივანიშვილის ოცნებები რომ განხორციელებულიყო, 27 დეკემბერს უნდა ჩატარებულიყო ყრილობა, რომელსაც უნდა გაეფორმებინა ახალი თავმჯდომარის არჩევა, უნდა გამოეცხადებინა, რომ "მიშა სააკაშვილი არის ისტორია, რომელიც ჩავაბარეთ წარსულს, ჩვენ ვართ ახლები, ჩვენთან შეიძლება ლაპარაკი". და ნაციონალური მოძრაობა შეწყვეტდა არსებობას, მან ყველაფერი გათვალა, პარტიის ლიდერშიპის უმეტესი ნაწილი ამ სცენარს მიყვებოდა სხვადასხვა მოტივაციით», - განაცხადა სააკაშვილმა.
