საპარლამენტო უმცირესობის დეპუტატ ოთარ კახიძის განცხადებით, პარლამენტში არსებული ფრაქცია არის არა პარტიის, არამედ საარჩევნო ბლოკის ფრაქცია, ხოლო ბლოკში გაერთიანებული იყო, როგორც პარტია “ნაციონალური მოძრაობა“, ასევე პარტია “ევროპული საქართველო“. მისივე თქმით, ახალი ფრაქცია “ნაციონალური მოძრაობის“ 6-კაციანმა ჯგუფმა უნდა შექმნას.
“ძალიან უხერხულია, როცა მიხეილ სააკაშვილის ჯგუფი დასახმარებლად “ქართული ოცნების“ ხელისუფლებას მიმართავს, რათა მათ შიდაპარტიულ დაპირისპირებაში დახმარება აღმოუჩინონ. ასევე აბსოლუტურად გაუგებარია, თუ როდის შემდეგ გადაწყვიტეს საპარლამენტო პროცედურების გამოყენება, როცა პარლამენტში შესვლას ეწინააღმდეგობდნენ და ბოიკოტს ითხოვდნენ. მე შიდადაპირისპირებაზე კონცენტრაცია არ მინდა - ჩემს კოლეგებს და ყოფილ თანაგუნდელებს ვურჩევ, ჩვენთან დაპირისპირების ნაცვლად, “ქართული ოცნების“ მავნებელ მთავრობას დაუპირისპირნენ“, - აღნიშნა კახიძემ ჟურნალისტებთან საუბრისას.
,,ნაციონალურ მოძრაობაში" დარჩენილი დეპუტატები, ყოფილ თანაპარტიელებს მოუწოდებენ დროულად დატოვონ ფრაქცია. ისინი მიიჩნევენ, რომ პარლამენტში მათ ახალი ფრაქცია კი არ უნდა შექმნან, არამედ დარჩნენ უკვე არსებულ ფრაქციაში.
