აშშ-სა და რუსეთს ე.წ. სამხრეთ ოსეთსა და აფხაზეთთან მიმართებაში აზრთა სხვადასხვაობა აქვთ. ეს განცხადება ვაშინგტონში აშშ-ს სახელმწიფო დეპარტამენტის ოფიციალურმა წარმომადგენელმა ფილიპ ქროულიმ გააკეთა.
კითხვაზე არის თუ არა საქართველოს საკითხში ხელისშემშლელი ფაქტორი აშშ-სა და რუსეთის ურთიერთობაში ქროულიმ განმარტა, რომ აშშ კვლავ მხარს უჭერს საქართველოს ტერიტორიულ მთლიანობასა და ამ საკითხზე რუსეთთან დიალოგს გააგრძელებს.
"ჩვენ არ დაგვიწყებია რა მოხდა საქართველოსა და რუსეთს შორის კრიზისის დროს, ჩვენ გარკვევით ვუცხადებით რუსეთს, რომ ვითარება უნდა შეიცვალოს და მხარს ვუჭერთ საქართველოს ტერიტორიულ მთლიანობას და მის უფლებებს რეგიონში", _ განაცხადა აშშ სახელმწიფო დეპარტამენტის ოფიციალურმა წარმომადგენელმა.
მისივე თქმით, საქართველოს საკითხში აშშ-სა და რუსეთს შორის მიმდინარე დიალოგის მნიშვნელოვანი ასპექტია და მას სახელმწიფო მდივნის თანაშემწის ფილიპ გორდონის ჟენევაში გამართული შეხვედრებიც ადასტურებს.
