წინა კვლევების მსგავსად, ბოლო კვლევაშიც გამოიხატა, რომ ყველაზე მეტად მოსახლეობას ეკონომიკური პრობლემები აწუხებს, - განაცხადა ეროვნულ-დემოკრატიული ინსტიტუტის საქართველოს ოფისის ხელმძღვანელის ლორა თორნტონმა.
NDI-ის კვლევის შედეგების პრეზენტაციის შემდეგ მან აღნიშნა, რომ ყველაზე მნიშვნელოვან ეროვნულ საკითხად მოქალაქეებისთვის კვლავ დასაქმება, მზარდი ფასები, ინფლაქცია და სიღარიბე რჩება.
,,2012 წლის შემდეგ 82% ამბობს, რომ მათი ოჯახის მდგომარეობა იგივე დარჩა, ან გაუარესდა. ერთ-ერთი საკითხი იყო ასევე, თვითმართველობის ორგანოების საქმიანობის შეფასება, სადაც მოსახლეობა ორ ნაწილად არის დაყოფილი, ხოლო ისინი, ვისაც თვითმართველობის ორგანოებთან შეხება ჰქონია, მათთვის ეს გამოცდილება პოზიტიურია და ამბობენ, რომ იქ მომუშავე ხალხი კომპეტენტური იყო, ძირითად შემთხვევაში კი, პრობლემები გადაუჭრიათ“, - განაცხადა ლორა თორნტონმა.
