ე.წ. ფარულ მოსმენებთან დაკავშირებული კანონმდებლობის გადასინჯვა არასამთავრობო სექტორის ჩართულობით იქნება უზრუნველყოფილი, - განაცხადა ჟურნალისტებთან საქართველოს პარლამენტის თავმჯდომარემ ირაკლი კობახიძემ.
"მიმდინარეობს კონსულტაციები მათ შორის არასამთავრობო სექტორის წარმომადგენლებთან, ასეთი ჩართულობით იქნება უზრუნველყოფილი შესაბამისი კანონის გადასინჯვა", - განაცხადა კობახიძემ.
„ელექტრონული კომუნიკაციების შესახებ,“ „საქართველოს სისხლის სამართლის საპროცესო კოდექსში“ და სხვა შესაბამის საკანონმდებლო აქტებში ცვლილებების თაობაზე კანონპროექტების შემუშავების მიზნით შექმნილი სამუშაო ჯგუფი 32 წევრისგან დაკომპლექტდა. მსამუშაო ჯგუფს პარლამენტის იურიდიულ საკითხთა კომიტეტის თავმჯდომარე ეკა ბესელია ხელმძღვანელობს
საკონსტიტუციო სასამართლოს გადაწყვეტილებით, შესაბამისი სამართლებრივი ნორმები პარლამენტმა 31 მარტამდე უნდა შეიმუშაოს.
