აშშ-ის ელჩი საქართველოში იან კელი „რუსთავი-2“-ის გენერალურ დირექტორზე თავდასხმის ფაქტს ეხმიანება და აცხადებს, რომ აშშ-ის საელჩო აკვირდება აღნიშნულ მოვლენას.
,,რა თქმა უნდა, ჩვენ შეშფოთებულნი ვიყავით იმ ფაქტით, რომ ნიკა გვარამიას თავს დაესხნენ და ამავდროულად, მივესალმებით იმას, რომ მთავრობამ გამოძიება დაიწყო აღნიშნულ საქმესთან დაკავშირებით. ეს საქმე ძალიან შემაშფოთებელია და ჩვენ მას ვაკვირდებით, - განაცხადა იან კელიმ ჟურნალისტებთან საუბარში.
აშშ-ის ელჩმა ასევე გააკეთა კომენტარი „რუსთავი-2“-ის საქმესთან დაკავშირებით.
„თავისუფალი მედია ძალიან მნიშვნელოვანია ნებისმიერი თავისუფალი საზოგადოების განვითარებისთვის, რათა ყველა ხმას, ყველა პოლიტიკურ მოთამაშეს წვდომა ჰქონდეს მედიაზე და ტელევიზია მედიის ყველაზე მნიშვნელოვანი საშუალებაა. ჩვენ ამ საქმეს ვაკვირდებით“, - აღნიშნა ელჩმა.
