ნიკა მელია არის ადამიანი, რომელმაც ვერ გაუძლო ვერც ერთ კრიტიკულ ვითარებას, - ამის შესახებ ფრაქცია „ნაციონალური მოძრაობის“ წევრმა ირმა ნადირაშვილმა ნიკა მელიას თავმჯდომარეობიდან გადაყენების საკითხის კომენტირებისას განაცხადა. მისი თქმით, თუ ნიკა მელიას გადაირჩევენ, ხვალვე ფრაქციის ახალ თავმჯდომარეს აირჩევენ.
„ნიკა მელია არის ადამიანი, რომელიც ხშირად იცვლის პოზიციებს. მან ვერ გაუძლო ვერც ერთ კრიტიკულ ვითარებას. მას მერე, რაც ის მიეკედლა მეორე გუნდს, ვითარება და ურთიერთობები უკიდურესად დაეძაბა ამ ორ ჯგუფს და დაძაბულობამ პიკს მიაღწია. შესაბამისად, ალბათ არავისთვის უნდა იყოს გასაკვირი, რომ ადამიანების უმრავლესობა ამ ფრაქციაში ფიქრობდეს, რომ ასეთი ლიდერი არ სჭირდებათ. ხვალ არის ეს სხდომა დანიშნული, გადაწყვეტილებას ფრაქციის წევრები მიიღებენ კენჭისყრით და ხმათა უმრავლესობით“, - განაცხადა ნადირაშვილმა.
