ენმ-ის პოლიტსაბჭოს წევრი ნინო კალანდაძე მიიჩნევს, რომ გიგი უგულავას მხარდამწერ ჯგუფთან მოლაპარაკება ნაკლებად სავარაუდოა. მისი შეფასებით, უგულავა წარმოადგენს იმ ჯგუფს, რომელსაც არ აქვს პარტიაში მხარდაჭერა.
,,გიგი უგულავა უკვე წარმოადგენს იმ ჯგუფს, რომელმაც მთელი რიგი ნაბიჯები გადადგა იმისთვის, რომ პარტია ჩიხში შესულიყო. გიგი უგულავა წარმოადგენს იმ ჯგუფს, რომელსაც არ აქვს პარტიაში მხარდაჭერა, რომელმაც თავის თანაპარტიელები ამორიცხა სიიდან და რომელიც ნიკა მელიას ფრაქციიდან გარიცხვას უპირებს. ჩვენ შეგვიძლია, ყველაფერზე ვისაუბროთ, მაგრამ მე განსაკუთრებით დიდ შანსებს ვერ ვხედავ, რომ რაიმე სახის მოლაპარაკება ამ ფორმატში შედგეს. მაშინ მან მკაფიოდ უნდა დააფიქსიროს პოზიცია იმის თაობაზე, რომ ეს მისი პოზიცია არაა, რაც ასე არ არის, რადგან გიგი უგულავა არის იმ მთავარი წერილის ავტორი, რომელმაც საბოლოო ჯამში განაპირობა პარტიული დაპირისპირების საჯაროობა», - განაცხადა კალანდაძემ.
