საქართველოს პრეზიდენტის ინიცირებული ფიზკულტურის გაკვეთილების სპორტის გაკვეთილების ჩანაცვლების პროექტის ფარგლებში, ქალაქ რუსთავის სკოლებს შორის სასკოლო ჩემპიონატი ჩატარდა მაგიდის ჩოგბურთსა და ფრენბურთში.
ჩემპიონატში გამარჯვებული სკოლების გუნდებს ჯილდოები საქართველოს განათლებისა და მეცნიერების მინისტრის პირველმა მოადგილემ აკაკი სეფერთელაძემ და ქვემო ქართლის გუბერნატორმა დავით კირკიტაძემ გადასცეს. ასევე დავით კირკიტაძის ინიციატივით, გამარჯვებული გუნდები ანაკლიის საზაფხულო ბანაკში დაისვენებენ.
ჩემპიონატი რამდენიმე ეტაპად ჩატარდა. ფინალური შეხვედრები რუსთავის მე-18 საჯარო სკოლაში გაიმართა.
აკაკი სეფერთელაძის განცხადებით, სპორტის გაკვეთილების ჩატარება და ამ ფორმით სპორტის პოპულარიზაცია, მოზარდთა ჯანსაღი ცხოვრების წესის დამკვიდრება სამინისტროს ერთ-ერთი პრიორიტეტია.
