,,ნაციონალური მოძრაობის” წევრი, აკაკი ბობოხიძე მიიჩნევს, რომ პარტიის ერთიანობის გადარჩენა მხოლოდ მიხეილ სააკაშვილს შეუძლია.მისივე შეფასებით ენმ-ის გადასარჩენად მცირე დრო რჩება.
”ამ ერთიანობის გადარჩენა ერთი კაცის ხელშია. როგორც ჩანს, ეს არის მიხეილ სააკაშვილი. სწორედ მისი პასუხისმგებლობა იქნება და არავისი სხვისი, მოახერხებს თუ არა ”ნაციონალური მოძრაობა” ერთიანობის შენარჩუნებას, რადგან მე უკვე ვეღარ ვხედავ ადამიანთა იმ ჯგუფს, გარდა მიხეილ სააკაშვილისა, ვინც შეძლებს პარტიის რღვევის შეჩერებას. ”ნაციონალური მოძრაობის” ერთიანობა მარტო ჩვენს ამომრჩეველს არ სჭირდება, ეს სჭირდება ქვეყანას, როგორც ძლიერი ოპოზიციური პოლიტიკური ძალა”, - განაცხადა აკაკი ბობოხიძემ.
„ნაციონალური მოძრაობის“ პოლიტსაბჭოს სხდომა კვორუმის არ არსებობის გამო ჩაიშალა. სხდომას პოლიტსაბჭოს 30 დეპუტატი უნდა დასწრებოდა. „ნაციონალური მოძრაობის“ პოლიტსაბჭოში სულ 60 წევრია.
